Yanto
Ulang Tahun
Dening: Muchlas Ardhianto
Yanto,salah sawijining siswa SMA ing kutha Pare Kediri.Yanto ora pinter
babagan pelajaran sing ana hubungane
karo ngitung lan apalan,nanging Yanto paling pinter yen dipercaya mimpin
kanca-kancane ing kelompok sinau utawa organisasi-organisasi liyane.Yanto uga
seneng yen dheweke dipercaya kanca-kancane amarga dheweke pingin ngembangake
bakat lan minate dadi pemimpin sing luhur bebudhine
Sawijining dina ing tahun ajaran sing anyar,Yanto budhal sekolah nganggo
sragam anyar.Yanto seneng banget,amarga bisa ketemu maneh karo kanca-kancane
sawise preian akhir semester.Nanging,nalika Yanto mlebu kelas kanca-kancane
padha ngwasi kanthi praupan sinis marang Yanto.Yanto bingung apa salahe nganti
kanca-kancane ora naruh dheweke malah ngwasi kanthi praupan sinis.Yanto takon
marang kancane sing jenenge Rama,
“Ram,aku salah apa se sakjane kok nganti arek-arek koyok ngunu ”,
“La awakmu gak ngroso salah?”Rama mbalik takon marang Yanto.
Yanto
ora njawab pitakonane Rama amarga Yanto bingung arepe mangsuli piye amarga
Yanto ora ngerti masalahe.
Yanto
bingung arep takon menyang sopo maneh amarga kabeh kanca-kancane ora naruh
kabeh,yen biasane kanca kancane padha balapan kumpul karo dheweke,saiki malah
balapan ngadoh dewe-dewe.Yanto ora nyangka yen kanca kancane bisa kaya ngunu
marang dheweke.
Yaa Allah,apa sakjane salahku nang arek arek nganti kanca-kancaku padha
ngadoh saka aku?”.
Saben
dina uripe Yanto isine mung nglamun,sedih,lan kuciwa marang kanca-kancane.
Tanggal 20 Agustus,Yanto takon maneh menyang Rama sing sejatine kanca sing
paling akrab karo Yanto.
”Ram,aku arepe takon”takone Yanto kanthi nada melas.
”Takon apa maneh?” jawabe Rama kanthi suara emosi,
“Aku iki sakjane salah opo se? Kok arek arek wiwit dina pertama mlebu
sekolah nganti saiki gak naruh aku?”
“Awakmu gak salah apa-apa sakjane,tapi arek-arek kuciwa karo awakmu”.
”Kuciwa gara ara apa Ram?”
”Saiki awakmu durung wayahe weruh,suk ae tak duduhi nek wis wayahe”
Yanto
tambah bingung maneh.Nanging Yanto belajar masa bodo karo kanca-kancane amarga
pingin njajal kepriye respone kanca kancane yen dheweke ngwales kanthi kelakuan
sing padha.
Limang dina saka kejadian iku,Kanca-kancane padha ngumpul ninggalne Yanto
dhewe ing kelas.Yanto ora nduwe rasa curiga yen kanca-kancane ngumpul nggawe
rencana gawe dheweke,Sesuke Yanto isuk-isuk wis budal sekolah.Tekan
sekolahan,Yanto kaget ora karuan amarga kanca kancane wis ana ing njero kelas enek
sing nggowo roti lan nggawa kotak kado.Yanto eleng yen tanggal 26 Agustus iku
ulang tahune,Kanca kancane padha ngwenehi kado lan ngucapake Ulang Tahun uga
njelasne yen kelakuane kanca-kancane sak wulan kepungkur iku gae nyambut ulang
tahun e dheweke supaya rame lan beda kaya ulang tahun sing sak durunge.Yanto
matur suwun banget marang kanca-kancane mergo wis ngrayake ulang tahune kanthi
cara sing ora biasa,masiya wiwitahe Yanto pegel karo kanca-kancane gara-gara
kaya ora di anggep kanca maneh.
Gawe ngucapne matur suwun marang kanca-kancane Yanto ngajak kanca-kanca kelase mangan bakso
nang warunge Pak Sumadi.Kanca-kancane ya melok seneng amarga oleh mangan gratis
tekan Yanto.Ora mung mangan tok,Yanto uga ngajak kanca-kancane dolan menyang
Gunung Bromo.Ing kana,kanca kancane di bayari kabeh.Yanto pancen terkenal bocah
sing akeh duwite uga ora medhit marang kanca-kancane,eleng-eleng bapak ibuk e
ya pengusaha minyak ing Kalimantan,mula iku kanca-kancane seneng kanca dheweke.
Sawise mangan lan dolan bareng,sesuke Yanto mlebu sekolah.Praupane
seneng,sumringah amarga sadar yen kanca-kancane ngeman lan seneng kumpul karo
dheweke,ora kaya winginane sing masa bodo lan kaya musuh.Kanca-kancane ing
sekolah pada ngucapne matur suwun amarga wis dijak mangan lan dolan karo
Yanto.Wiwit iku,Yanto lan kanca-kancane malih luwih akrab tinimbang sak
durunge,amarga kaya nduweni rasa paseduluran sing kuat siji lan liyane.
4 Agustus 2016
Tidak ada komentar:
Posting Komentar